მადრიდში უკრაინის საელჩოში ოთხშაბათს აფეთქება მოხდა, რის შედეგადაც დაშავდა ერთი უკრაინელი თანამშრომელი, რომელსაც ხელში ჰქონდა ესპანეთში უკრაინის ელჩისთვის გამოგზავნილი წერილი.
ესპანეთის საგარეო საქმეთა სამინისტრომ განაცხადა, რომ თანამშრომელი მსუბუქად დაშავდა და მკურნალობს საავადმყოფოში, ხოლო პოლიცია გამოძიებას აწარმოებს. კონვერტის სავარაუდო მიმღები იყო კიევის ელჩი ესპანეთში, სერჰილ პოჰორელცევი.
ესპანურ რადიოსადგურ SER-ს მაღალჩინოსანმა განუცხადა, რომ ცალკე წერილობითი ბომბი დეაქტივირებულ იქნა იარაღის მაწრმოებელ კომპანიაში, ჩრდილოეთ ესპანეთში ოთხშაბათს გვიან ღამით. ამ წერილს იგივე დაბრუნების მისამართი ჰქონდა, რომელიც აფეთქებულ წერილს უკრაინის საელჩოში.
ესპანეთის მთავრობის წარმომადგენელმა, როსა სერანომ თქვა, რომ ასაფეთქებელი ნივთიერება, რომელიც იარაღის მწარმოებელს გაუგზავნეს “როგორც ჩანს, უკრაინიდან მოვიდა”.
იარაღის მწარმოებელ კომპანიაში უკვე იცოდნენ მადრიდში მომხდარი აფეთქების შესახებ, ამიტომ როცა იქ წერილი მივიდა არ გახსნეს და პოლიცია გამოიძახეს. პოლიციამ დაადგინა, რომ კონვერტში იყო ასაფეთქებელი ნივთიერება, რომელიც გამიზნული იყო გახსნისთანავე აფეთქებისთვის.
როსა სერანომ არ დაასახლა ფირმის ვინაობა, მაგრამ ესპანურ მედიაში მისი სახელი გავრცელდა და ითქვა, რომ ის აწარმოებს სარაკეტო სადგურებს, რომლებიც ესპანეთმა გაგზავნა უკრაინაში რუსეთის შეჭრის წინააღმდეგ საბრძოლველად.
უკრაინამ საპასუხოდ გააძლიერა უსაფრთხოების ზომები მის ყველა საელჩოზე.
Loading ...
