„მადლობა პრეზიდენტ ზელენსკის, მადლობა ჩემს საყვარელ უკრაინას“ – მიხეილ სააკაშვილი

ექსპრეზიდენტის თქმით, უკრაინა რეგიონის ზესახელმწიფოა, რომლის პრეზიდენტის აზრიც ყველამ უნდა გაითვალისწინოს.

„ძალიან დიდი მადლობა პრეზიდენტ ზელენსკის მისი ძალისხმევისთვის, აღადგინოს ჩემი სასტიკად შეურაცხყოფილი უფლებები და პრინციპული, უშიშარი პოზიციისთვის ჩემს მიმართ, როგორც მსოფლიო ბოროტების პირადი ტყვისა და საქართველოსა და უკრაინის დაწყევლილი მტრისა.

მის საუბარს საქართველოს პრემიერ-მინისტრთან ძალიან პრინციპული, მაგრამ ამავდროულად ადამიანური ხასიათი ჰქონდა. პრეზიდენტმა თავისი პოზიციითა და მოქმედებით ხაზი გაუსვა უკრაინის, როგორც ჩვენი რეგიონის ზესახელმწიფოს როლს, რომლის პრეზიდენტის აზრიც ყველამ უნდა გაითვალისწინოს და მოისმინოს.

მადლობა ჩემს საყვარელ უკრაინას, მადლობა ჩემს საყვარელ უკრაინელ ხალხს, მადლობა პრეზიდენტ ზელენსკის!“, – აცხადებს მიხეილ სააკაშვილი.