„მაგთი“ აგვისტოდან ოპტიკურ-ბოჭკოვანი ინტერნეტის მომსახურებას აძვირებს

„მაგთი“ 1-ელი აგვისტოდან ოპტიკურ-ბოჭკოვანი ინტერნეტის მომსახურების ტარიფებს ზრდის, – ამის შესახებ ინფორმაციას კომპანია თავად ავრცელებს.

მათი ცნობით, ცვლილება შეეხება მხოლოდ იმ მომხმარებლებს, რომლებიც სარგებლობენ სახლის ფიქსირებული ინტერნეტით ან ინტერნეტი + IPTV მომსახურებით და გააქტიურებული აქვთ 50 მბ/წმ სიჩქარის პაკეტი.

„მაგთი“ ოპტიკურ-ბოჭკოვან ინტერნეტს აძვირებს

უფრო კონკრეტულად, როგორც დედაქალაქში, ისე რეგიონებში აგვისტოდან 50 მბ/წმ სიჩქარის პაკეტების ღირებულება 3 ლარის ფარგლებში იზრდება. კერძოდ, განახლებული ტარიფები თბილისის შემთხვევაში ასეთი იქნება:

• 50 მბ/წმ – 40 ლარი
• 50 მბ/წმ + ქართული – 51 ლარი;
• 50 მბ/წმ + სტანდარტული – 59 ლარი;
• 50 მბ/წმ + პრემიუმი – 70 ლარი.

რაც შეეხება რეგიონებს, აგვისტოდან ფასები შემდეგნაირად განისაზღვრება:

• 50 მბ/წმ – 33 ლარი;
• 50 მბ/წმ + რეგიონული – 38 ლარი;
• 50 მბ/წმ + რეგიონული – 42 ლარი;
• 50 მბ/წმ + სტანდარტული – 48 ლარი.

„ფასები მოცემულია მხოლოდ სტანდარტული და რეგიონული სააქციო შეთავაზებების ფარგლებში. იმ შემთხვევაში, თუ ამ პაკეტებზე დამატებით გაქვთ აქტიური თემატური პაკეტები ან აქცია „ჩემები“, მითითებულ ტარიფს დაემატება თქვენ მიერ შერჩეული პაკეტის ღირებულება.

ცვლილება ავტომატურად განხორციელდება 2025 წლის 1 აგვისტოს. ბალანსზე არსებული თანხა განისაზღვრება ახალი დღიური სააბონენტოს შესაბამისად, რაც შესაძლოა თვიური სააბონენტო გადახდის თარიღის ცვლილების მიზეზი გახდეს“, – აღნშნულია „მაგთის“ მიერ გავრცელებულ ინფორმაციაში.

www.bpn.ge