„ლუფთჰანზას“ რეისზე ძლიერი ტურბულენტობის გამო 11 ადამიანი დაშავდა

ავიაკომპანია „ლუფთჰანზას“ რეისზე, რომელიც ბუენოს აირესიდან ფრანკფურტის მიმართულებით ასრულებდა ფრენას, ძლიერი ტურბულენტობის გამო 11 ადამიანი დაშავდა.

ინფორმაციას „როიტერი“ ავრცელებს.

„სამწუხაროდ, ხუთმა მგზავრმა და ეკიპაჟის ექვსმა წევრმა დაზიანებები მიიღო“, – განაცხადა ავიაკომპანია „ლუფთჰანზას“ სპიკერმა.

ავიაკომპანიის ცნობით, დაშავებულებს სამედიცინო დახმარება დაუყოვნებლივ ჩაუტარდათ მას შემდეგ, რაც თვითმფრინავი უსაფრთხოდ დაეშვა დანიშნულების ადგილზე. თვითმფრინავში 329 მგზავრი და ეკიპაჟის 19 წევრი იმყოფებოდა.