![](https://guria.tv/wp-content/uploads/2023/10/metthyw-perry-1024x576.webp)
ლოს-ანჯელესის პოლიცია Friends-ის ვარსკვლავის, მსახიობ მეთიუ პერის გარდაცვალებას იძიებს. ამის შესახებ CNN სამართალდამცავი ორგანოდან წყაროზე დაყრდნობით წერს და განმარტავს, რომ ინციდენტს პოლიციის დეპარტამენტის ძარცვისა და მკვლელობის სამმართველო იძიებს.
ასევე, ლოს-ანჯელესის სახანძრო დეპარტამენტის სპიკერმა გამოცემას განუცხადა, რომ 911-ში ზარი 16:07 საათზე შევიდა. ბრაიან ჰემფრის თქმით, ზარის ავტორმა “წყლის სასწრაფო სამაშველო დახმარება” ითხოვა. თუმცა, მისივე თქმით, გაურკვეველია, წყლის რა ობიექტი იყო ეს.
თავდაპირველად, მეთიუ პერის გარდაცავალების შესახებ ინფორმაცია Los-Angeles Times-მა გაავრცელა. მან დაწერა, რომ მსახიობი საკუთარ სახლში გარდაიცვალა და მანამდე, ის უგონო მდგომარეობაში აბაზანაში იპოვეს.