ოზურგეთის მუნიციპალიტეტის სოფელ ლიხაურში ბიძაშვილმა ბიძაშვილს სანადირო თოფი ესროლა. შემთხვევა საღამოს საათებში მოხდა. როგორც მეზობლები პირად საუბრებში ამბობენ, ხანშიშესულ ბიძაშვილებს შორის კონფლიქტური ურთიერთობა წლების მანძილზე გრძელდებოდა. ამჯერადაც მომხდარი შემთხვევა საყოფაცხოვრებო ხასიათის მიზეზით მოხდა, რა დროსაც 73 წლის მამაკაცს ბიძაშვილმა სანადირო თოფი ფეხებში ესროლა. ოზურგეთის კლინიკა “მედალფაში” დაჭრილი სასწრაფო სამედიცინო დახმარების ჯგუფმა შეიყვანა. ქირურგის ტიტე მელაძის თქმით, ერასტო ლომჯარიას საფანტი წვივის და ბარძაყის არეში აქვს მოხვედრილი. მას ყველა საჭირო სამედიცინო პროცედურა უკვე ჩაუტარდა და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდართან დაკავშირებით, ცხელ კვალზე დაკავებულია ერთი პირი და მის წინააღმდეგ საქმე აღძრულია სისხლის სამართლის კოდექსის 117-ე მუხლით, რაც სხეულის განზრახ მძიმე დაზიანებას გულისხმობს.
ლიხაურში ბიძაშვილმა ბიძაშვილს სანადირო თოფი ესროლა
კომენტარები
გამოკითხვა
Loading ...