გაერთიანებული სამეფოს საგარეო საქმეთა მინისტრი, ლიზ ტრასი შეეცდება, „კონსერვატიული პარტიის“ ლიდერის და შესაბამისად პრემიერ-მინისტრის პოსტზე, ბორის ჯონსონი ჩაანაცვლოს.
Daily Telegraph-თან საკუთარი გეგმების შესახებ საუბრისას ლიზ ტრასმა განაცხადა, რომ პრემიერ-მინისტრობის შემთხვევაში გადასახადებს პირველივე დღიდან შეამცირებს.
მისივე თქმით, ასევე მიიღებს სასწრაფო ზომებს, რათა დაეხმაროს ადამიანებს ცხოვრების ხარჯებთან გამკლავებაში.
შეგახსენებთ, გაერთიანებული სამეფოს პრემიერ-მინისტრმა, ბორის ჯონსონმა გადადგომის შესახებ განცხადება გასულ კვირას გააკეთა. „კონსერვატიული პარტიის“ ლიდერობის კანდიდატთა სიაში უკვე რამდენიმე ადამიანია, მათ შორის გენერალური პროკურორი სუელა ბრავერმანი, ჯანდაცვის ყოფილი მინისტრი საჯიდ ჯავიდი, ვაჭრობის მინისტრი პენი მორდონტი, ტრანსპორტის მინისტრი გრანტი შაპსი, ფინანსთა ყოფილი მინისტრი, რიში სუნაკი.
Loading ...