“ლივერპულის” მოზეიმე გულშემატკივრებს ავტომობილი შეეჯახა

ლივერპულში, ავტომობილი იმავე სახელწოდების საფეხბურთო კლუბის გულშემატკივრების ჯგუფში შევარდა, რომლებიც ინგლისის პრემიერ ლიგაში მათი გამარჯვების პატივსაცემად გამართულ აღლუმზე მივიდნენ. BBC News-ის ცნობით, მანქანის მძღოლი დააკავეს.

ოფიციალურად ჯერ არც მძღოლის მოტივი და არც დაშავებულთა რაოდენობა არ გამოცხადებულა. BBC News-ის კორესპონდენტი სულ მცირე სამი დაშავებულის შესახებ იუწყება. ასევე უცნობია, არიან თუ არა დაღუპულები.

თვითმხილველმა, რომელიც აღლუმს საკუთარი ფანჯრიდან აკვირდებოდა, Sky News-ს განუცხადა, რომ შეჯახების შემდეგ აღლუმის მონაწილეები მანქანისკენ გაიქცნენ და მისი დამსხვრევა სცადეს, თუმცა პოლიციამ მათ ამის საშუალება არ მისცა.