გაერთიანებული ოპოზიციისა და ერთიანი ნაციონალური მოძრაობის ლიდერი, ნიკა მელია ენმ-ს წევრზე ლევან ხაბეიშვილზე თავდასხმაში იდენთიფიცირებულ პირებს მიმართავს, რომ ისინი კანონის წინაშე აგებენ პასუხს.
მელია აცხადებს, რომ მას მოძალადეების ნაცვლად შერცხვა:
“პირადად მე შემრცხვა იმ ადამიანების ნაცვლად (მათ როგორ უნდა უწოდო დეპუტეატები). გულწრფელად შემრცხვა. ლაჩრობაა, ვიღაცა სამბისტი რომ ხარ, საკრებულოში ხმა მის დღემში რომ არ ამოგიღია. ვიღაცა ხუჯაძე რომ ხარ… სამივე მოძალადის სახელი და გვარი, მე პოლიტიკაში აქტიურად ჩართულმა ადამიანმა გუშინ პირველად გავიგე. ვიღაც თარაშ შურღაია და ცინცაძე… ეს ადამინები პასუხს აუცილებლად აგებენ” – აცხადებს ნიკა მელია.
შეგახსენებთ, რომ გუშინ საკრებულოში ხმაური იყო. უმრავლესობის წევრები „ნაციონალური მოძრაობის“ წევრს სიტყვიერად და შემდეგ ფიზიკურად დაუპირისპირდნენ.
ლევან ხაბეიშვილის განცხადებით, მისი ცემა წინასწარ იყო დაგეგმილი. ამის მიზეზი კი მისი მხრიდან დასუფთავების სამსახურის თანამშრომლების შესახებ გაკეთებული განცხადება გახდა, რომელიც მათ დაბალ ხელფასს შეეხებოდა.
Loading ...
