ლატვიის სეიმმა გეორგიევსკის ლენტის აკრძალვას მხარი დაუჭირა. შესაბამისი ინიციატივა ბალტიისპირეთის სახელმწიფოს საკანონმდებლო ორგანომ პირველი მოსმენით დაამტკიცა.
რეგულაციის მიხევდით, გეორგიევსკის ლენტის გამოყენება საჯარო ღონისძიებებზე დაუშვებელი იქნება.
„ლატვია ითვალისწინებს რუსეთის ექსპანსიას უკრაინაში და მის ტოტალიტარულ იდეოლოგიას ყოფილი საბჭოთა კავშირის რესპუბლიკების მიმართ. ლატვიას აქვს საფუძველი დაინახოს მუქარა მისი დემოკრატიული სისტემისადმი და უსაფრთხოებისადმი. გეორგიევსკის ლენტის აკრძალვა ამ იდეოლოგიის გამოვლენას შეზღუდავს“, – განაცხადა ადამიანის უფლებათა და საზოგადოებრივ საქმეთა კომისიის თავმჯდომარე არტუს კაიმინშმა.
ახალი კანონის ძალაში შესასვლელად სეიმმა ის კიდევ ორი მოსმენით უნდა დაამტკიცოს და შემდეგ პროექტს ხელი პრეზიდენტმა უნდა მოაწეროს.
ამჟამად ლატვიაში საჯარო ღონისძიებებზე აკრძალულია ყოფილი საბჭოთა კავშირის დროშების, გერბებისა და ჰიმნის გამოყენება. ასევე იკრძალება ნაცისტური სიმბოლიკაც.
Loading ...