ლანჩხუთის მუნიციპალიტეტის, სოფელ ხაჯალიას საბავშვო ბაღი კორონავირუსის გავრცელების გამო დროებით დაიხურა. აღნიშნულის შესახებ ინფორმაცია ლამჩხუთის მუნიციპალიტეტის მერის მოადგილემ, ეკატერინე გუჯაბიძემ დაგვიდასტურა. ხაჯალიას საბავშვო ბაღში კორონავირუსი ჯერ მზარეულს, შემდეგ პედაგოგს, ბოლოს კი აღსაზრდელს დაუდგინდა. ამ ეტაპისათვის ხსენებულ საბავშვო ბაღში, სადაც 14 პირი მუშაობს და 44 ბავშვი ირიცხება, სააღმზრდელო პროცესი დროებით შეჩერებულია. ინფიცირებულებთან კონტაქტში მყოფი პირები კი იზოლაციაში იმყოფებიან. საინტერესო დეტალი გახლავთ ისიც, რომ ლანჩხუთის მუნიციპალიტეტში ბოლო 24 საათში დაინფიცირების 16 ახალი შემთხვევა გამოვლინდა.რაც ბოლო პერიოდის მონაცემებს თუ შევადარებთ, ყველაზე მაღალი მაჩვენებელია. როგორც გუჯაბიძემ გვითხრა, ლანჩხუთში საბავშვო ბაღების პედაგოგთა, აღმზრდელთა, ასვე სრული პერსონალის ტესტირება კვლავაც აქტიურ რეჟიმში გაგრძელდება.
ლანჩხუთში, ხაჯალიას საბავშვო ბაღი კორონავირუსის გამო დაიხურა
კომენტარები
გამოკითხვა
Loading ...