ლანჩხუთში შინდისის გმირის საფლავი გაძარცვეს

ლანჩხუთის მუნიციპალიტეტში შინდისის გმირის საფლავი გაძარცვეს. სოფელ ქვიანში რუსლან წულაძის დედას საფლავი გაძარცვული გუშინ დახვდა. წაღებულია ალუმინის ნაკეთობები და საფლავის ჭიშკარი. როგორც ლიდია ინგინა ამბობს, შვილის საფლავზე ყოველდღე დადის, თუმცა წვიმიანი ამინდის გამო ბოლო დღეებში მისვლა ვერ მოახერხა და ფაქტის შესახებ 5 ოქტომბერს შეიტყო. მისივე განცხადებით, საფლავიდან მცირე ნივთები სხვა დროსაც იკარგებოდა, მაგრამ ჭიშკრის მოპარვის შემთხვევა პირველია. ინგინამ პოლიციას მაშინვე მიმართა. მომხდარზე გამოძიება უკვე მიმდინარეობს. რუსლან წულაძე 2008 წლის რუსეთ-საქართველოს ომის გმირია. 11 აგვისტოს ის 24 წლის ასაკში სოფელ შინდისთან გმირულად დაიღუპა.

მასალა მომზადებულია პროექტის “ჩვენ ვირჩევთ, ჩვენ ვაკონტროლებთ” ფარგლებში.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.