ლანჩხუთში ორგანიზაცია “რუდუნის” წევრებმა უკრაინელი ხალხისთვის სხვადასხვა ნივთები შეაგროვეს

ორგანიზაცია “რუდუნი” 2021 წელს ნინია ბარამიძემ თავის მეგობრებთან ერთად დაარსა.”რუდუნი”აერთიანებს ხალხს სიკეთის საკეთებლად. ორგანიზაცია ეხმარება ცალკეულ პიროვნებებს და ოჯახებს, რომლებსაც გვერდში დგომა სჭირდებათ.

ორგანიზაციის საქმიანობასა და მისი გეგმების შესახებ გვესაუბრება მისი ერთერთი დამფუძნებელი ნინია ბარამიძე.

• მკითხელისთვის რომ იყოს ცნობილი გვითხარით თქვენი ორგანიზაციის შესახებ – 2020 წელს დავაფუძნე ჯგუფი ” this is ლანჩხუთი”  სადაც ადმინისტრატორად დავამატე ლუი ორაგველიძე, მე და ლუიმ გავაერთიანეთ ამ ჯგუფში მთელი ლანჩხუთის მუნიციპალიტეტი. ჯგუფის წევრების რაოდენობა შეადგენდა 15 000-ზე მეტს. ჯგუფში დავიწყეთ ქველმოქმედება. რადგან არ გვინდოდა თანხები პირად ანგარიშზე გვქონოდა დავაფუძნეთ ორგანიზაცია “რუდუნი”. “რუდუნი”გვაერთიანებს გაჭირვების დროს. ამ დროისთვის ორგანიზაციაში ვართ სამი წევრი, მე ლუი და სოფია ჩხაიძე. კიდევ ერთი წევრი დროებით საზღვარგარეთ გადავიდა საცხოვრებლად.

• რამ გადაგადგმევინათ ნაბიჯი, რომ შეგექმნათ საქველმოქმედო ორგანიზაცია? – “რუდუნი”-ს დაფუძნება იყო ჩვენი გადაწყვეტილება, მეგობრების, რადგან რეალურად ვაწყდებოდით ბევრ ისეთ ოჯახს ვისაც სჭირდებოდა გვერდით დგომა.

• მოგვიყევით იმ ქველმოქმედების შესახებ, რომელიც თქვენმა ორგანიზაციამ გაწია – ორგანიზაციაში გვყავს 100-მდე სოციალურად დაუცველი ბენეფიციარი, მაგრამ დაახლოებით 1 წლის განმავლობაში, ორგანიზაციამ დაარიგა რამდენიმე ათასი ლარის პროდუქტი, რომელიც მივიტანეთ 500-მდე ოჯახში, ამავდროულად ვარიგებთ მუდმივად ტანსაცმელს, და საყოფაცხოვრებო ტექნიკას, მათ შორის სარეცხ მანქანებს, მაცივრებს და რამდენიმე მობილური ტელეფონიც,

ორგანიზაციამ გასულ წელს ჩაატარა ორი საქველმოქმედო კონცერტი ლანჩხუთსა და ჩოხატაურში. ლანჩხუთში გასულ წელს ერთ-ერთ ოჯახს სახლი დაეწვა. დავეხმარეთ, რომ გაეხსნა ანგარიში ბანკში და ასევე გვქონდა საწყობი, ამ ოჯახს შეუგროვდა თუ სწორად მახსოვს 7000 ლარი. მათ შორის უამრავი საჭირო ნივთი, პერსონალური კომპიუტერი. უშუალოდ მე დავაწერინე ოჯახს წერილი “ჰაიდელბერგ” ცემენტის სახელზე და ჰაიდელბერგმაც 3 ტონამდე ცემენტი ჩამოგვიტანა ლანჩხუთში, ეს იყო ძალიან ემოციური ჩემთვისაც.

• რამდენადაა ჩართული ლანჩხუთის მოსახლეობა ქველმოქმედებაში? – როცა დავწერ რომ ვინმეს შია, სჭირდება პრუდუქტი, 1 საათში უკვე ყველაფერი მზად არის. ორგანიზაციას ჰყავს შესანიშნავი საზოგადოებასთან ურთიერთობის ხელმძღვანელი, სოფია ჩხაიძე, რომელიც აქტიურადაა ჩართული ხალხთან კომუნიკაციაში, მადლობა უფალს ვაგვარებთ ყველაფერს.

• თუ შეგიძლიათ გვითხრათ იმ დახმარების შესახებ რომელიც თქვენმა ორგანიზაციამ უკრაინას გაუწია – რაც შეეხება უკრაინას, ორგანიზაციის წევრების  და ჩვენი კიდევ 2 მეგობრის ორგანიზებით ლანჩხუთის მუნიციპალიტეტში ჩავატარეთ სოლიდარობის აქცია, დავგმეთ პუტინის აგრესია. აქციაზე ასეულობით ადამიანი იყო. დავიწყეთ ასევე ყველაფრის შეგროვება. შევაგროვეთ მედიკამენტები, ტანსაცმელები და ბავშვებისთვის გასართობი ნივთები.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა

რეპორტიორმა დიმიტრი მოდებაძემ  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.