ლანჩხუთის მუნიციპალიტეტში ზოგიერთ სოფელში თოვლის საფარმა ორ მეტრს მიაღწია. არაერთი სოფელი გარესამყაროს მოწყვეტილია. ჩოჩხათის ადმინისტრაციული ერთეულიდან საჭირო გახდა ოჯახების სასტუმროში და ნათესავებთან გაყვანა. აღნიშნულ თემში უკვე ოც საცხოვრებელ სახლზე სახურავი ჩამოენგრა. ასეთი შემთხვევები დაფიქსირდა ჩოჩხათში, წიაღობანში, ნიგვზიანში, ხორეთში და სხვა სოფლებში. როგორც მუნიციპალიტეტიდან “გურიაTV”-ს ეუბნებიან, თოვლის საფარს ე.წ. JCB ტრაქტორები ვერ ერევა, შესაბამისად არაერთ სოფელში თავად ტრაქტორები ჩარჩა თოვლში და ტექნიკის უკან გამოყვანა ვერ ხერხდება. ამ ეტაპზე ლანჩხუთში ინტენსიურად მუშაობს ე.წ. მუხლუხა ტრაქტორები. თუმცა მუნიციპალიტეტში ვითარება კვლავ რთული რჩება.
კომენტარები
Loading ...