ლანჩხუთში ავარიის შედეგად ახალგაზრდა მამაკაცი დაიღუპა

ლანჩხუთში, სოფელ წყალწმინდასთან ავტოსაგზაო შემთხვევა მოხდა. ცენტრალურ ავტომაგისტრალზე ორი ავტომობილი ერთმანეთს შეეჯახა. შემთხვევის შედეგად ”ოპელის” მარკის ავტომობილის მძღოლი, 40 წლამდე მამაკაცი ადგილზევე დაიღუპა.

შსს-ს ინფორმაციით , მომხდართან დაკავშირებით გამოძიება სისხლის სამართლის კოდექსის 276-ე მუხლის მე- 6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

წყარო: ტელეკომპანია ”პირველი”