ლანჩხუთის “გურია” დღეს გათამაშების ლიდერს დაუპირისპირდება

საქართველოს საფეხბურთო ჩემპიონატის მეოთხე ლიგაში, დღეს ლანჩხუთის “გურია” ლიგის ლიდერს, “ალგეთს” უმასპინძლებს.

შეხვედრა ლანჩხუთის ევგრაფ შევარდნაძის სახელობის სტადიონზე, დღეს, 17:00 საათზე დაიწყება.

9 ტურის შემდეგ “გურიას” 20 ქულა აქვს და მესამე ადგილზეა, ლანჩხუთელთა დღევანდელ მეტოქეს 22 ქულა აქვს და პირველ ადგილზე იმყოფება.

დღესვე თავის შეხვედრას გამართავს ოზურგეთის “მერცხალი”. ოზურგეთელები სტუმრად “ივერიას” ეთამაშებიან.

“მერცხალს” 9 ტურის შემდეგ 13 ქულა აქვს და მერვე ადგილზე იმყოფება.