ლანჩხუთის “გურიამ” კვლავ დიდი ანგარიშით გაიმარჯვა

საქართველოს საფეხბურთო ჩემპიონატის მესამე ლიგის გათამაშების მეორე ტურში ლანჩხუთის “გურია” თბილისის “მერანს” დაუპირისპირდა.

მატჩი ფოთში გაიმართა სადაც ლანჩხუთელები ნომინალური მასპინძლები იყვნენ, რადგან ევგრაფი შევარდნაძის სახელობის სტადიონზე მინდვრის სარეაბილიტაციო სამუშაოები მიმდინარეობს.

“გურიამ” მატჩი მაღალ დონეზე ჩაატარა და კვლავ დიდი ანგარიშით გაიმარჯვა, ამჯერად 7-0.

გოლები ლანჩხუთელთაგან გაიტანეს – დათა სიჭინავამ (2), კახა კახაბრიშვილმა, ნოდარ იაშვილმა, ლუკა ჩაგანავამ, ლევან კაკუბავამ, დავით მაისაშვილმა.

წინა ტურში “გურიამ” სტუმრად ლოკომოტივი დაამარცხა 4-1.

ორი ტურის შემდეგ ლანჩხუთელებს 6 ქულა და 11 გატანილი გოლი აქვთ და გათამაშებას ლიდერობენ.

მომდევნო შეხვედრას გურულები სტუმრად, 19 მარტს გამართავენ და “იბერია 1999-2” შეხვდებიან.