ლანჩხუთელმა ქალმა ფეხბურთელებმა სტუმრად გაიმარჯვეს

საქართველოს საფეხბურთო ჩემპიონატის ქალთა ლიგაში მორიგი ტურის შეხვედრები გაიმართა.

კვლავ წარმატებით იასპარეზა ქალთა საფეხბურთო კლუბმა “ლანჩხუთმა”.

გურულმა ფეხბურთელებმა სტუმრად “ბათუმი” დაამარცხეს 0-3 და კვლავ მეორე ადგილზე იმყოფებიან.

დიდი ანგარიშით გაიმარჯვა ლიგის ლიდერმა “ნიკე-ლუსომ”, მან სახლში “სამეგრელო” 18-0 დაამარცხა.

13 ტურის შემდეგ “ნიკე-ლუსოს” 37 ქულა აქვს და პირველ ადგილზეა, “ლანჩხუთი” 35 ქულით მეორე ადგილზე იმყოფება.

მორიგი ტურის შეხვედრები 29 ივნისს გაიმართება, ლანჩხუთელები კვლავ სტუმრად ითამაშებენ. ამჯერად ისინი “ნორჩ დინამოს” შეხვდებიან.