ლანჩხუთში ცნობილი ჟურნალისტი ქეთევან ნაკაშიძე გარდაიცვალა. 1995 წელს მან დააარსა ლანჩხუთში პირველი თავისუფალი მედია-გამოცემა ”ლანჩხუთი პლუსი” რომელსაც 25 წელზე მეტი ხნის მანძილზე რედაქტორობდა. მანამდე ის ”ლანჩხუთის მოამბის” რედაქტორის მოადგილე გახლდათ.
”ყველა ლანჩხუთელისთვის და მთელი რაიონისთვის გამორჩეულად ძვირფასი და საყვარელი ქეთევან ნაკაშიძე. ქალი, რომელმაც მართლაც რომ “ლამპის შუქზე” შექმნა “ლანჩხუთი პლუსი”- ამბის და სინათლისმომტანი გაზეთი, თავისი ახალგაზრდა სარედაქციო კოლექტივით… დიდია მისი ღვაწლი და ამაგი ჩვენი რაიონის საზოგადოებრივ ცხოვრებაში” – ასე ეხმიანებიან სოციალურ ქსელში ქეთევან ნაკაშიძის გარდაცვალებას.
მის სახელს უკავშირდება არაერთი ახალგაზრდისთვის გზის გაკაფვა ჟურნალისტიკაში.
”გურიაTV” მწუხარებას გამოთქვამს მართლაც გამორჩეული ჟურნალისტის გარდაცვალების გამო და სამძიმარს უცხადებს მის ოჯახსა და მეგობრებს.
Loading ...