ეთნიკური უმცირესობებით დასახლებული რეგიონების სტუდენტებისთვის კულტურულ-საგანმანათლებლო ვიზიტი დაიწყო საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით ეთნიკური უმცირესობებით მჭიდროდ დასახლებული სამცხე-ჯავახეთისა და კახეთის რეგიონიდან 40-მდე სტუდენტი კულტურულ საგანმანათლებლო ტურების ფარგლებში თბილისს ეწვია. ორდღიანი კულტურულ-საგანმანათლებლო ტურის ფარგლებში სტუდენტები საქართველოს ევროპული და ევრო-ატლანტიკური ინტეგრაციის საკითხებზე მიიღებენ ინფორმაციას. ტურები ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში იმართება, რომელსაც საინფორმაციო ცენტრი ნატოსა და ევროკავშირის შესახებ, საქართველოში ამერიკის შეერთებული შტატების საელჩოსთან ერთად ახორციელებს. პროექტი ხორციელდება შერიგებისა და სამოქალაქო თანასწორობის საკითხებში სახელმწიფო მინისტრის აპარატთან პარტნიორობით. ორი დღის განმავლობაში მონაწილეები მოისმენენ მოხსენებებს როგორც აღმასრულებელი, ასევე, საკანონმდებლო ხელისუფლების, დიპლომატიური კორპუსის წარმომადგენლებისაგან და ექსპერტებისგან. ვიზიტის ფარგლებში სტუდენტები ტოლერანტობის თემაზე გადაღებული ფილმის ჩვენებას დაესწრნენ და ოკუპაციის მუზეუმს ეწვევიან. აღსანიშნავია, რომ წლის ბოლომდე პროექტის ფარგლებში ეთნიკური უმციერსობებით კომპაქტურად დასახლებული რეგიონებიდან ჯამში 60-ზე მეტი ახალგაზრდა გადამზადდება.
Loading ...