მდინარე სუფსაზე სოფლების სილაურისა და ბაილეთის მოსახლეობამ ქვიშა- ღორღის ამოღების სამუშაოები გააპროტესტა. მოსახლეობა თავდაპირველად სილაურისა და ბაილეთის დამაკავშირებელ ხიდთან შეიკრიბა. ადგილობრივები ჩივიან, რომ საყანე ფართობები გაუნადგურდათ, მაღალგამავლობიანმა მანქანებმა სახლები დაბზარა და გზა დააზიანა, ჭებში კი წყალი დაშრა. ინერტული მასალის მოპოვებას მდინარე სუფზაზე შპს “ქიუ – ემ – სი”, როგორც ადგილობრივი ბუნებისდამცველები, საკრებულოს წარმომადგენლები და მოსახლეობა აცხადებს კანონდარღვევით ახორციელებს. კარიერზე მოსულმა ადგილობრივებმა ისიც გვითხრეს, რომ კომპანიამ ნაწილი სოფლის მაცხოვრებლებისა მოისყიდა, ნაწილი კი კრიმინალების მეშვეობით დააშინა. მათი თქმით შპს “ქიუ – ემ -სი” მდინარე სუფსაზე ინერტული მასალის ამოღებას ინტენსიურად, ღამის საათებშიც, ერთი თვეა ახორციელებს.
Loading ...