რუსული მედიასაშუალება „მედუზა“, წყაროზე დაყრდნობით წერს, რომ რამდენიმე დღის წინ ჩაძირულ რუსეთის ფლოტის კრეისერ „მოსკოვზე“ დაღუპულია ეკიპაჟის 37 წევრი, 100 ადამიანი კი დაიჭრა.
შავი ზღვის ფლოტის სარდლობასთან დაახლოებული წყაროს ინფორმაციით, 15 აპრილს გარდაცვლილების ცხედრები სევასტოპოლში გადაასვენეს.
აღსანიშნავია, რომ მანამდე, კიდევ ერთმა გამოცემამ „ნოვაია გაზეტა – ევროპამ“ ერთ-ერთი გარდაცვლილის დედაზე დაყრდნობით გაავრცელა ინფორმაცია, რომ დაიღუპა 40 მეზღვაური.
„მედუზას“ ინფორმაციით, გარდა 100 დაჭრილისა, არიან უგზო-უკვლოდ დაკარგულები. თუმცა, მათი რაოდენობა არ ზუსტდება.
მთლიანად, ხომალდზე 500-მდე ადამიანი იყო.
რუსეთის თავდაცვის სამინისტროს „მოსკოვის“ ეკიპაჟის ჩაძირვის შემდეგ გარდაცვლილთა შესახებ ინფორმაცია არ გაუვრცელებია. უწყებამ განაცხადა, რომ ეკიპაჟი სრული შემადგენლობით ევაკუირებულია. როგორც მედია წერს, ამის მიუხედავად, სამგლოვიარო ცერემონიაზე ჟურნალისტებმა შენიშნეს სამგლოვიარო ლენტი წარწერით „გემს და მეზღვაურებს“.
Loading ...
