კორონავირუსის ვაქცინის რამდენი დოზა დაიკარგა საქართველოში – მონაცემები რეგიონების მიხედვით

საქართველოში 15 მარტიდან 27 აპრილის ჩათვლით, სულ 748 დოზა COVID 19-ის ვაქცინა დაიკარგა.

ინფორმაცია Cactus Media-მ გამოითხოვა.

მათი ცნობით, დანაკარგი არის როგორც Pfizer-ის, ასევე AstraZeneca-ს ვაქცინების შემთხვევაში.

ერთ ფლაკონში 10 დოზა ვაქცინაა.

თითოეული მათგანი გახსნიდან 6 საათში უნდა დაიხარჯოს. ვაქცინის დაკარგვა გულისხმობს, როდესაც ფლაკონი იხსნება, მაგრამ აცრის მსურველთა საკმარისი რაოდენობის არარსებობის გამო, ვაქცინების ნაწილი გამოუსადეგარი ხდება.

Cactus Media-ს ინფორმაციით, ვაქცინების დანაკარგების გადანაწილება დედაქალაქსა და რეგიონებში ასეთია:

• თბილისი -423
• აჭარა – 66
• გურია – 39
• იმერეთი – 74
• კახეთი – 22
• მცხეთა-მთიანეთი – 46
• რაჭა-ლეჩხუმი და ქვემო სვანეთი – 6
• სამეგრელო და ზემო სვანეთი – 4
• სამცხე-ჯავახეთი – 11
• ქვემო ქართლი – 29
• შიდა ქართლი – 28

formulanews.ge