კორონავირუსის გამოვლენის დადებითობის მაჩვენებელი საშიშ ზღვარს უახლოვდება – საქართველოში შეიძლება ლოქდაუნი გამოცხადდეს

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 3,26 პროცენტს შეადგენს, – ამის შესახებ აღნიშნულია მთავრობის სპეციალურ ვებგვერდ stopcov.ge-ზე.

კორონავირუსის გამოვლენის დადებითობის დღევანდელი მაჩვენებელი არის 3,58 პროცენტი, ხოლო ბოლო 14 დღის – 2,91 პროცენტი.

საქართველოს ჯანდაცვის მინისტრის ეკატერინე ტიკარაძის განცხადებით, როდესაც ქვეყანაში კორონავირუსით ინფიცირების დადებითობის მაჩვენებელი 4 პროცენტს გადააჭარბებს, შსაძლოა ლოქდაუნიც გამოცხადდეს.„მიდგომა კვლავ რჩება ისეთი, როგორიც აქამდე გვქონდა, დადებითობის მაჩვენებლის შემთხვევაში, როდესაც ის 4 პროცენტს აცდება, უკვე იქნება იმის ნიშანი, რომ ჩვენ უნდა დავიწყოთ საუბარი ლოკდაუნზე, დახურვებზე, შემდეგ გამკაცრებებზე.

ამ ეტაპისთვის ხდება ეპიდსიტუაციაზე დაკვირვება, ჩვენი მიდგომა არის, რომ მაქსიმალურად გავამკაცროთ აღსრულება და მონიტორინგი, ჩვენი სურვილია, ეფექტური მართვის პირობებში არ მოხდეს ეკონომიკის გაჩერება, რადგან ვიცით, რა შედეგი შეიძლება გამოიღოს ამან“, – განაცხადა ეკატერინე ტიკარაძემ საზოგადოებრივი მაუწყებლის ეთერში.