კორონავირუსით ორი პაციენტი აჭარაში გარდაიცვალა

აჭარის ჯანდაცვის სამინისტროს ინფორმაციით, აჭარაში გასული 24 საათის განმავლობაში კორონავირუსით ინფიცირების 343 ახალი შემთხვევა დადასტურდა, გამოჯანმრთელდა 167 კოვიდ დადებითი პაციენტი, ჯამში გამოჯანმრთელებულია 5019 პაციენტი, გარდაიცვალა ორი ინფიცირებული.

„გარდაიცვალა ორი პაციენტი. ერთი რესპუბლიკურ საავადმყოფოში, 88 წლის ქალი, დიაგნოზი: „კოვიდ-19“, პნევმონია დაუზუსტებელი.
გართულება: სუნთქვის მწვავე უკმარისობა. მეორე ბათუმის საერთაშორისო ჰოსპიტალში გარდაიცვალა, 60 წლის ქალი. დიაგნოზი: ახალი კორონავირუსით გამოწვეული დაავადება „კოვიდ-19“, ვირუსი ლაბორატორიულად დადასტურებული, პნევმონია დაუზუსტებელი, სუნთქვის მწვავე უკმარისობა, შოკის სხვა ფორმები. თანმხლები დაავადება ინსულინდამოკიდებული შაქრიანი დიაბეტი“, – ნათქვამია ინფორმაციაში.

ოფიციალური მონაცემებით, აჭარში კოვიდკლინიკებში მკურნალობას გადის 630 პაციენტი, 17 არასრულწლივანი, 31 ოსრული, რეანიმაციაში მოთავსებულია – 70 პაციენტი, თავისუფალი საწოლების რაოდენობა 40-ს შეადგენს. კოვიდ სასტუმროებში მკურნალობს 984, 77 არასრულწლოვანი. აჭარაში ბინაზე იმყოფება 1400-ზე მეტი პირი, რომლებიც ექიმების მეთვალყურეობის ქვეშ არიან.

ქვეყნის მასშტაბით ბოლო 24 საათში კორონავირუსით რვა პაციენტი გარდაიცვალა, საერთო რიცხვი კი 136-ს შეადგენს.