საბავშვო ბაღების მშენებლობა, რომელიც გურიის რეგიონში მიმდინარეობდა, სავარაუდოდ, გაურკვეველი ვადით გადაიდება. კომპანია ლაგი კაპიტალის წარმომადგენლები რომლებსაც აღნიშნული ბაღების მშენებლობა ევალებოდათ, დაკავებულები არიან.
კომპანიის, წარმომადგენლები, რომლებიც გურიის რეგიონში საბავშვო ბაღებს აშენებდნენ, დააკავეს. მათ ბრალად დიდი ოდენობით სახელმწიფოს კუთვნილი ქონების მოტყუებით დაუფლებისა და უკანონო შემოსავლის ლეგალიზაცია ედებათ.
პროკურატურის ცნობით, საქმე ეხება ტენდერებს, რომელთა საერთო ღირებულება 94 444 427 ლარს შეადგენს და 30 საბავშვო ბაღისა და 4 სკოლის აშენებას ითვალისწინებს.
ბრალდებულებმა, 2023 წელს შპს „ლაგი კაპიტალის“ მეშვეობით გაიმარჯვეს მუნიციპალური განვითარების ფონდის მიერ საბავშვო ბაღების რეკონსტრუქცია-რეაბილიტაციისთვის გამოცხადებულ 11 ტენდერში, რომელიც 30 საბავშვო ბაღის რეაბილიტაციას ითვალისწინებდა. დღეის მდგომარეობით, არცერთ ობიექტზე სამშენებლო სამუშაოები არ დასრულებულა.
საბავშვო ბაღების ჩამონათვალშია გურიაში ასაშენებელი ბაღები. კერძოდ, მუნიპალური განვითარების ფონდის მიერ გამოცხადებული ტენდერის მიხედვით, შპს „ლაგი კაპიტალს“ ოზურგეთის მუნიციპალიტეტში უნდა აეშენებინა ქალაქ ოზურგეთში, სოფელ გურიანთაში, სოფელ მერიაში და სოფელ შრომაში 75 ბავშვზე გათვლილი საბავშვო ბაღები. ჩოხატაურის მუნიციპალიტეტში კი სოფლებში – გუთურში, გოგოლესუბანში, ზომლეთსა და შუა ამაღლებაში უნდა აეშენებინა 50 ბავშვზე გათვლილი საბავშვო ბაღი. თუმცა, ისევე როგორც სხვა რეგიონებში, გურიაშიც ბოლომდე არცერთი ობიექტი არ აშენებულა.
Loading ...