საქსტატის მონაცემებით, გასულ წელს საქართველოში დაქირავებით დასაქმებულთა საერთო რაოდენობამ 771.5 ათასი ადამიანი შეადგინა, რაც 6.2%-ით მეტია წინა წლის მაჩვენებელზე.
ამასთან, საანგარიშო პერიოდში საქართველოში დასაქმებულთა მთლიანი რაოდენობის 40.4% მსხვილ ბიზნესზე მოდიოდა, 19.8% – საშუალოზე, ხოლო 39.8% – მცირე ბიზნესზე.
სტატისტიკის მიხედვით, დასაქმებულთა რაოდენობის მიხედვით ბიზნეს სექტორში ლიდერობდნენ: საბითუმო და საცალო ვაჭრობა – 28.6%-ით, ავტომობილების და მოტოციკლების რემონტი – 11.7 %-ით, დამამუშავებელი მრეწველობა – 9.6%-ით და ჯანდაცვის სოციალური მომსახურების საქმიანობები – 9.6%-ით.
ამასთან, მნიშვნელოვანი წილი მოდიოდა ტრანსპორტისა და დასაწყობების დარგზე – 8.4%, მშენებლობა – 8.3%, ინფორმაცია- კომუნიკაცია – 5.7% და განთავსების საშუალებებით უზრუნველყოფის და საკვების მიწოდების საქმიანობები – 5.1%.
ვინ ასაქმებს საქართველოში ყველაზე მეტ ადამიანს. საქსტატის მიერ მოწოდებული ინფორმაციის თანახმად, გასული წლის მდგომარეობით, 20 ყველაზე მსხვილი დამსაქმებელი კომპანიის ჩამონათვალი ასეთია:
- სს საქართველოს რკინიგზა
- შპს თბილისის სატრანსპორტო კომპანია
- შპს ჯორჯიან უოთერ ენდ ფაუერი
- შპს ორი ნაბიჯი
- სს ენერგო – პრო ჯორჯია
- სს ნიკორა ტრეიდი
- შპს თბილსერვის ჯგუფი
- შპს ავერსი-ფარმა
- სს არ ემ ჯი კოპერი
- შპს აჭარა ტექსტილე
- შპს ფუდმარტი
- სს საქართველოს კლინიკები
- შპს ჯეო ჰოსპიტალს
- შპს მაჯიდ ალ ფუტაიმ ჰიპერმარკეტს ჯორჯია
- შპს ევოლუშენ ჯორჯია
- შპს ეპამ სისტემს (ჯორჯია)
- შპს საქართველოს გაერთიანებული წყალმომარაგების კომპანია
- შპს რითეილ ჯგუფი
წყარო – Bpn.ge
Loading ...