გერმანულ კომპანიასა და ლანჩხუთის გოგონათა საფეხბურთო კლუბს შორის ურთიერთთანამშრომლობის მემორანდუმი გაფორმდა. უკვე გაზაფხულიდან ”კერხერი” კლუბის სპონსორი ხდება. თანამშრომლობა ფეხბურთელებისთვის ფინანსურ მხარდაჭერასა და შესაფერისი სავარჯიშო პირობების შექმნას ითვალისწინებს.
როგორც კომპანიის ხელმძღვანელმა პირებმა აღნიშნეს, ”კერხერი” ხელს შეუწყობს ჯანსაღი ცხოვრების წესის პოპულარიზაციას, გენდერული თანასწორობის პრინციპების გაძლიერებას და ქალთა ფეხბურთის განვითარებას რეგიონებში. კომპანია ”კერხერი” მსოფლიოში ლიდერი ორგანიზაციაა, დასუფთავების ტექნიკის წარმოების კუთხით. თავის მხრივ ლანჩხუთის ქალთა საფეხბურთო კლუბიც ყველაზე ტიტულოვანი ქალთა კლუბია საქართველოს მასშტაბით და მათი თანამშრომლობა ბევრ წარმატებას მოიტანს.
კომენტარები
Loading ...
