24 საათის განმავლობაში ოზურგეთში კოვიდ ინფიცირების 6 ახალი შემთხვევა გამოვლინდა. მათგან სამი ერთი ოჯახის კლასტერს უკავშირდება. დაინფიცირებულია – ოჯახის მამა , დედა და ძმა, რომლებიც თვითიზოლაციაში იყვნენ. ასევე კორონა ვირუსი დაუდგინდა ახალგაზრდა მამაკაცს, რომელიც კლასელისგან დავირუსდა და ისიც თვითიზოლაციაში იყო, როგორც ინფიცირებულთან კონტაქტი. ლათურიდანაა კიდევ ერთი დაინფიცირებული შუა ხნის მამაკაცი, რომლის ინფიცირების წყარო ჯერჯერობით უცნობია. რაც შეეხება მეექვსე შემთხვევას, ,, კოვიდ 19,, დაუდგინდა სოფელ მერიაში მცხოვრებ ქალბატონს, რომელსაც აჭარაში მოგზაურობის ისტორია აქვს.აღნიშნული, ბოლო ორი კოვიდ ინფიცირებულის კონტაქტები, როგორც ეპიდემიოლოგებმა გვითხრეს, დგინდება.
კომენტარები
Loading ...