საქართველოს პარლამენტის უმრავლესობის წევრი ირაკლი კობახიძე „ნაციონალურ მოძრაობას“ საქართველოს პატრიარქსა და ეკლესიაზე თავდასხმაში ადანაშაულებს. პარლამენტში, განცხადებით გამოსვლისას მან თქვა, რომ ბოლო დღეებში საქართველოში ნაციონალური მოძრაობის წევრებში ბოლშევიკური სულის რეინკარნაცია მოხდა:
„მათ რომ ჰქონდეთ ახლა საშუალება, ხელში რომ ჰქონდეთ უროები და მაკრატლები, დაიწყებდნენ ეკლესიების ნგრევას და სასულიერო პირების გაკრეჭას, თუმცა მათ აქვთ ეხლა სხვა იარაღი და დღეს ისინი აუცილებლად ესროდნენ ილიას, იმიტომ, რომ ისინი არიან ახალი დროის ორჯონიკიძეები და ახალი დროის ბერბიჭაშვილები“, – ირაკლი კობახიძის ამ განცხადებას პლენარული სხდომის დარბაზში უმრავლესობის წევრების ტაში მოჰყვა.
დღეს პლენარული სხდომა პარლამენტში პოლიტიკური განცხადებებით დაიწყო. სხდომა ხმაურისა და დაპირისპირების ფონზე მიმდინარეობს.
www.radiotavisupleba.ge
Loading ...
