ირაკლი კობახიძე BBC-ის მიერ გამოქვეყნებულ მასალასთან დაკავშირებით ამბობს, რომ შსს-მ უნდა სცოდნოდა ფხვნილის დანიშნულება და არა შემადგენლობა.
“გამოძიება მშვიდად წარიმართება და დაადგენს ყველაფერს, თქვენ შეგიძლიათ ინერვიულოთ ვანო მერაბიშვილის ბედთან დაკავშირებით. თეორიულად შეიძლება დადგეს ვანო მერაბიშვილის პასუხისმგებლობა, შოთა უტიაშვილის პასუხისმგებლობა” – უთხრა ირაკლი კობახიძემ ჟურნალისტებს.
ჟურნალისტის შეკითხვაზე: “წყალში როცა ურევენ რამეს, ხომ იცის შსს-მ რას იყენებს?” კობახიძემ უპასუხა: “შსს-მ იცის, რომ ფხვნილს იყენებს და ფხვნილის შემცველობასთან დაკავშირებით 2007 წელს და 2009 წელს იქნა მიღებული გადაწყვეტილება”
“ერთ რამეს გეტყვით კიდევ ერთხელ მოკლედ: სკანდალი დამთავრებულია, სკანდალი ჩაშლილია, BBC-ის მიერ, სპეცსამსახურების ხელწერით შექმნილი სკანდალი, საპნის ბუშტივით გასკდა. […] ვახტანგ გომელაურს უნდა სცოდნოდა ფხვნილის დანიშნულება და ვახტანგ გომელაური არ არის ქიმიკოსი, რომ 2007 წელს და 2009 წელს შეძენილი ფხვნილი გადაემოწმებინა”. – თქვა კობახიძემ.
2025 წლის პირველ დეკემბერს BBC-მ საქართველოში აქციების დარბევასთან დაკავშირებით სტატია და დოკუმენტური ფილმი გამოაქვეყნა. გამოცემა მოპოვებულ მტკიცებულებებზე დაყრდნობით წერს, რომ გასულ წელს ქართული ოცნების რეჟიმმა ანტისამთავრობო და პროევროპული საპროტესტო აქციების დასარბევად, შესაძლოა, პირველი მსოფლიო ომის დროინდელი ქიმიური იარაღი გამოიყენა.
Loading ...