კიევის მერის ვიტალი კლიჩკოს თქმით, უკრაინაზე რუსეთის თავდასხმის დაწყების შემდეგ დედაქალაქში დაიღუპა 9 სამოქალაქო და 18 სამხედრო პირი. დაღუპულებს შორის ერთი ბავშვია. დაჭრილია 106 ადამიანი, მათ შორის 47 სამოქალაქო პირი. დაჭრილებს შორის სამი ბავშვია.
კლიჩკოს ცნობით, დედაქალაქში რუსი სამხედრო ნაწილები არ არიან, მაგრამ სამართალდამცველები და ანტიტერორისტული რაზმის წევრები ავლენენ და ანეიტრალებენ დივერსანტებს.
“კიევი აგრძელებს თავდაცვას. რუსეთის ჯარები დედაქალაქში არ არის, მაგრამ ჩვენი სამხედროები, სამართალდამცველები და ანტიტერორისტული რაზმის წევრები ავლენენ და ანეიტრალებენ დივერსანტებს. ღამე იყო შეტაკებები და სროლა. განადგურებულია დივერსანტთა რამდენიმე მსხვილი ჯგუფი.” – თქვა კლიჩკომ.
უკრაინის დედაქალაქში კომენდანტის საათი 28 თებერვლის დილამდე მოქმედებს. ქალაქის მერმა მოსახლეობას მოუწოდა არ გავიდნენ ქუჩებში. სახლი მხოლოდ მაშინ დატოვონ, როცა ისმის საჰაერო განგაშის ხმა და საჭიროა თავშესაფარში მისვლა.
“რუსეთი ესვრის უკრაინის დედაქალაქის საცხოვრებელ კვარტლებს. რუსეთი კლავს უკრაინელებს მთელ უკრაინაში” – თქვა კლიჩკომ.
Loading ...
