კლდოვანი მასის ჩამოშლის გამო, ხაიში-უშგულის მონაკვეთზე ავტოტრანსპორტის მოძრაობა აიკრძალა

ზუგდიდი-ჯვარი-მესტია-ლასდილის საავტომობილო გზის (ხაიში-უშგული) მონაკვეთი ჩაიკეტა.

საავტომობილო გზების დეპარტამენტის წარმომადგენლების განცხადებით, ჩამოიშალა ახალი კლდოვანი მასა, რაც ქვათაცვენის საშიშროებას ქმნის. აღნიშულ მონაკვეთზე მოძრაობა ისევ აიკრძალა. ადგილზე მუშაობს საავტომობილო გზების დეპარტამენტის მძიმე ტექნიკა.

ამ დროისთვის, ქვათქცვენის გამო, ავტომობილებს მოძრაობა მხოლოდ ხაიშამდე შეუძლიათ.

ხაიშის მონაკვეთთან გუშინ გვიან ღამით ჩახერგილი გზა მხოლოდ რამდენიმე წუთით გაიხსნა. იმ ავტომობილებმა, რომლებიც რამდენიმე საათი ელოდებოდნენ, უპრობლემოდ შეძლეს გადაადგილება, როგორც მესტიის, ასევე ზუგდიდის მიმართულებით.