აშშ-ის ფასიანი ქაღალდებისა და საფონდო ბირჟების მარეგულირებელმა კომისიამ (SEC) რეალითი- შოუს ვარსკვლავი, კიმ კარდაშიანი EthereumMax-ის უკანონო რეკლამის გამო დააჯარიმა. ინფორმაციას ამის შესახებ უცხოური მედია ავრცელებს.
გამოცემის ცნობით, ჯარიმის მოცულობა $1.26 მილიონს შეადგენს. კარდაშიანმა ჯარიმის გადახდაზე თანხმობა უკვე განაცხადა. ამასთან, პირობა დადო, რომ მომდევნო სამი წლის განმავლობაში, კრიპტო აქტივების რეკლამას არ გააკეთებს.
მარეგულირებლის თქმით, კარდაშიანმა Instagram-ზე კრიპტო ტოკენს პოპულარიზება გაუწია და არ აღნიშნა, რომ ეს რეკლამა იყო. ამით ინფლუენსერმა აშშ-ის კანონი დაარღვია.
SEC-მა განაცხადა, რომ კარდაშიანს EthereumMax-ის ტოკენის, EMAX რეკლამისთვის $250,000 გადაუხადეს.
კარდაშიანმა მარეგულირებლის ბრალდებები არც უარყო და არც დაადასტურა.
SEC ხშირად აცხადებს, რომ ცნობილი ადამიანებმა აუდიტორიას უნდა აცნობონ, როდესაც ისინი კრიპტოვალუტის რეკლამას აკეთებენ.
Loading ...