უკრაინის საგარეო საქმეთა სამინისტრომ განაცხადა, რომ შაბათის მონაცემებით, უკრაინაში, დაახლოებით, 14,400 რუსი სამხედრო მოსამსახურე პირი დაიღუპა და განადგურდა ათასობით რუსული ჯავშანტექნიკა და სხვა შეიარაღება. კიევის ინფორმაციით, ეს 24 თებერვლიდან დღემდე დაფიქსირებული მონაცემებია.
სამინისტროს ოფიციალური „ტვიტერზე“ ნათქვამია, რომ რუსეთმა უკრაინაში შეჭრის შემდეგ დაკარგა 95 მოიერიშე თვითმფრინავი, 115 ვერტმფრენი, 1470 ჯავშანმანქანა, 213 საარტილერიო სისტემა და რამდენიმე სხვა ტიპის სამხედრო ტექნიკა.
Information on Russian invasion
Losses of the Russian armed forces in Ukraine, March 19 pic.twitter.com/7igTs8lFa9
— MFA of Ukraine ?? (@MFA_Ukraine) March 19, 2022
რუსეთის მხრიდან მსგავსი ინფორმაცია არ ვრცელდება და უკრაინული ცნობების გადამოწმება ამ დროისთვის შეუძლებელია.
რუსეთმა საკუთარ დანაკარგებზე ინფორმაცია ბოლოს 2 მარტს გამოაქვეყნა და თქვა, რომ იმ დროისთვის უკრაინაში ბრძოლას 498 რუსი ჯარისკაცი შეეწირა.
შეერთებული შტატების და ნატოს ოფიციალური პირები ვარაუდობენ, რომ უკრაინაში 7 000-დან 10 000-მდე რუსი სამხედროა დაღუპული.
www.amerikiskhma.com
Loading ...