კიევზე კვლავ საჰაერო იერიში განხორციელდა

კიევზე და კიევის ოლქზე კვლავ საჰაერო იერიში განხორციელდა. ამის შესახებ „უნიანი“ იუწყება

ქალაქში ჰაერსაწინააღმდეგო საშუალებები მუშაობენ და მოსახლეობას თავშესაფარში დარჩენას ურჩევენ. ინფორმაციას კიევის ოლქის ადმინისტრაციის უფროსი ალექსეი კულება ავრცელებს.

აფეთქებების ხმა თავად კიევშიც ისმის. როგორც „ფეისბუკში“ ჟურნალისტი ალექსეი ბობროვნიკოვი წერს, უკრაინის დედაქალაქში სამი აფეთქების ხმა გაისმა, აქედან ერთი, სავარაუდოდ, რკინიგზის სადგურის სიახლოვეს გაისმა.

ცნობისთვის, უკრაინაზე მასიურ საჰაერო იერიშს რუსეთის ძალები 10 ოქტომბრიდან ახორციელებენ. ისინი რაკეტებს და ირანულ კამიკაძე დრონებს იყენებენ. თავდასხმის სამიზნე, ძირითადად, ელექტროსადგურები და კრიტიკული ინფრასტრუქტურის ობიექტებია.