ახალციხეში ქვეითს მანქანა დაეჯახა – ის ადგილზე გარდაიცვალა. ინფორმაციას გამოცემა “სამხრეთის კარიბჭე” ავრცელებს და წერს, რომ შემთხვევა ცოტა ხნის წინ საბარგო სადგურისა და სოფელ კლდის მიმდებარედ მოხდა. თვითმხილველების ცნობით, სასწრაფო სამედიცინო დახმარების ჯგუფს კაცი უკვე გარდაცვლილი დახვდა. ამ დროისთვის მას ექსპერტიზა უტარდება. შსს-ში ამბობენ, რომ მომხდარზე გამოძიება დაწყებულია
ბოლო ორ დღეში საქართველოში ეს ქვეითად მოსიარულის გარდაცვალების მეოთხე შემთხვევაა.
გუშინ ავარიის შედეგად ქვეითი დაიღუპა ბათუმში, ხონში და გარდაბანში.
კომენტარები
Loading ...