კვლევა: რა დაემართება თქვენს ორგანიზმს, თუ ყავას ყოველდღე დალევთ

როგორ იწყება თქვენი დილა? თუ ფინჯანი ყავით, რომლის გარეშეც ვერ გაიღვიძებთ, მაშინ დროა დაფიქრდეთ იმაზე, თუ როგორ მოქმედებს ზედმეტი რაოდენობით მოხმარებული სასმელი თქვენს სხეულზე.
რა ემართება ორგანიზმს, როდესაც ყოველდღე სვამთ ყავას ან გარკვეული პერიოდის შემდეგ უარს ამბობთ მასზე?
ეს სასმელი მზადდება რამდენიმე სახეობის მცენარის მოხალული თესლისგან და სასმლის სიძლიერე დამოკიდებულია მათი გამოწვის ხარისხზე. ხსნადი ყავა ჯანმრთელობისთვის საშიში არ არის, რადგან მისი სიძლიერე მარცვლეულზე დაბალია. გარდა ამისა, ხანგრძლივი დამუშავების გამო მასში იკარგება არომატული ნაერთები და თითქმის ყველა სასარგებლო ან მავნე ნივთიერება.

ყავა არ უნდა დალიოთ უზმოზე, რადგან ის ასტიმულირებს ჰორმონ ქოლეცისტოკინინის გამომუშავებას, რომელიც ააქტიურებს საჭმლის მონელების სისტემას და თუ კუჭში საკვები არ არის, მაშინ არაფერია მოსანელებელი – ეს პროცესი იწვევს გულძმარვას და გასტრიტის ნიშნებს.
ყავა ზრდის კუჭის წვენის მჟავიანობას, არტერიულ წნევას და არღვევს ძილს.
ყავაში უამრავი კონსერვანტია, რომელიც უარყოფითად მოქმედებს ნივთიერებათა ცვლაზე და ახდენს ცელულიტის გაჩენის პროვოცირებას. ამიტომ მისი გამოყენება სკრაბის სახით ყოველთვის უკეთესია.
ყავა არ უნდა მიირთვათ ორსულმა და მეძუძურმა ქალებმა. კოფეინი გროვდება ორსულთა სისხლში, აღწევს პლაცენტაში და იწვევს დედის რძეში რკინისა და სხვა მინერალური ელემენტების რაოდენობის შემცირებას.
სასმელი იწვევს დამოკიდებულებას: ყავის ჭარბი რაოდენობით გამოყენება იწვევს დეჰიდრატაციას. ასე რომ, როდესაც ამ სასმელს ძალიან დიდი რაოდენობით სვამთ, წყლის ბალანსის აღდგენა ძალიან რთული ხდება.
თუმცა, უარყოფითი მხარეების გარდა, კოფეინს სასარგებლო თვისებებიც აქვს:
ყავა შეიცავს ანტიოქსიდანტებს – ისინი ორგანიზმიდან აშორებენ თავისუფალ რადიკალებს, რომლებიც ხელს უწყობენ დაბერებას.
ყავის ანტიოქსიდანტები გვეხმარება კიბოსთან, გულის ზოგიერთ დაავადებასთან, ორივე ტიპის დიაბეტისა და პარკინსონის დაავადების წინააღმდეგ ბრძოლაში.
ზოგიერთი კვლევა ადასტურებს, რომ ნამდვილი ყავა ამცირებს მსხვილი ნაწლავის კიბოს განვითარების ალბათობასაც და ასტიმულირებს საჭმლის მომნელებელი ტრაქტის აქტივობას.
ყავა ამცირებს ან მთლიანად ხსნის თავის ტკივილს, რადგან აფართოებს თავის ტვინის სისხლძარღვებს.