კედლის მხატვრობა ოზურგეთში – პირველი ნახატი და ქალაქის ამჟამინდელი ვიზუალი

ბოლო თვეებია ოზურგეთში კედლის მხატვრობა აქტიურად გამოჩნდა. ქალაქის ცენტრალურ ნაწილში არაერთი კედელი მოიხატა და ქუჩების ვიზუალი მნიშვნელოვნად შეცვალა უკეთესობისკენ. კედლის მხატვრობის ინიციატორი არაერთია, მაგრამ პირველი ნახატი, რომელიც ოზურგეთში გამოჩნდა, კომპანია ‘’ეარნეტის’’ დაკვეთით ილუსტრატორმა ელენე ინწკირველმა შეასრულა და დღეს მუშაობის პროცესს ‘’გურიაTV’’-თან სიამოვნებით იხსენებს.

‘’ეარნეტის’’ ინიციატივის შემდეგ ოზურგეთში კედლის მხატვრობა თანდათან პოპულარული გახდა და ქალაქის ცენტრალურ ნაწილში საკმაოდ საინტერესო ნამუშევარი მხატვარმა ლია უკლებამ მამა–შვილობის თემაზე კამპანია ‘’კაცების ზრუნავენ’’ ფარგლებში შექმნა.

ქალაქის მხატვრობის ყველაზე დიდი ნაწილი ოზურგეთის მერიის ინოვაციური პროექტის ”street art” -ის ფარგლებშია შესრულებული. ქალაქის არაერთი შენობის ფასადი საინტერესო და ლამაზი ნახატით დამშვენდა.