კახეთში, დედოფლისწყაროს მუნიციპალიტეტის სოფელ ოზაანში, 30 წლამდე კაცმა ცეცლსასროლი იარაღიდან 4 პირი დაჭრა, რომელთაგან 2 ამავე სოფლის მკვიდრია.
ადგილობრივების ინფორმაციით, შემთხვევა წუხელ იმ დროს მოხდა, როდესაც კაცს ბებიის მიტოვებულ სახლში სუფრა ჰქონდა გაშლილი. მხარეებს შორის ყოფით ნიადაგზე დაწყებული კონფლიქტი ურთიერთდაპირისპირებაში გადაიზარდა. დაჭრილებიდან ორი მხარში მიყენებული დაზიანებებით დედოფლისწყაროს კლინიკაში გადაიყვანეს. ექიმების ჩარევის შემდეგ კი სახლში გაწერეს. სახლში აგრძელებს მკურნალობას კიდევ ერთი პირი, რომელიც გამჭოლი ჭრილობით წნორის არქიმედეს კლინიკაში იყო შეყვანილი. მძიმეა ერთი მამაკაცის ჯანმრთელობის მდგომარეობა, რომელიც კატასტროფის ბრიგადამ თბილისში, სპეციალიზებულ კლინკაში გადაიყვანა.
მომხდარზე გამოძიება სისხლის სამართლის კოდექსის 117-ე, სხეულის განზრახ მძიმე დაზიანების მუხლით არის დაწყებული. დააკავეს თუ არა დაჭრაში ბრალდებული მამაკაცი, უწყებას ოფიციალური განცხადება ჯერ არ გაუკეთებია.
კომენტარები
Loading ...