თელავის მუნიციპალიტეტში ბიძამ დისშვილი დაჭრა. შემთხვევა სოფელ წინანდალში მოხდა.
ადგილობრივების ინფორმაციით, ბიძასა და მის 25 წლამდე ასაკის დისშვილს შორის დაპირისპირება ყოფით ნიადაგზე დაიწყო, რაც მოგვიანებით სისხლიან გარჩევაში გადაიზარდა.
50 წლამდე მამაკაცმა საკუთარ დისშვილს ჭრილობა დანით მიაყენა.
დაშავებული სამედიცინო დაწესებულებაში გადაიყვანეს, სადაც შესაბამისი სამედიცინო დახმარება გაუწიეს. ექიმების განმარტებით, ამ ეტაპზე, დაჭრილის ჯანმრთელობის მდგომარეობა დამაკმაყოფილებელია.
სამართალდამცველებმა ბრალდებული პირი შემთხვევის ადგილზე დააკავეს.
შინაგან საქმეთა სამინისტროს ინფორმაციით, გამოძიება მომხდარ ფაქტზე სისხლის სამართლის კოდექსის 11 პრიმა 120-ე მუხლით დაიწყო, რაც ოჯახის წევრის მიმართ ჯანმრთელობის განზრახ დაზიანებას გულისხმობს
კომენტარები
Loading ...