კასპაროვი იდიოტია, ის ჭადრაკს ჩემი აიფონივით თამაშობს – ილონ მასკი

კომპანიების, SpaceX-ის და Tesla-ს დამფუძნებელმა ილონ მასკმა მსოფლიოს მე-13 ჩემპიონს გარი კასპაროვს იდიოტი და ბრიყვი უწოდა. ამის შესახებ svoboda.org იუწყება.

მანამდე გროსმაისტერად ამერიკელი მილიარდერი ბიზნესმენი უკრაინასთან დაკავშირებით მისი პოზიციის გამო გააკრიტიკა.

მასკმა განაცხადა, რომ მშვიდობის უზრუნველსაყოფად უკრაინის ხელისუფლება ვლადიმერ პუტინთან გარკვეულ დათმობებზე უნდა წავიდეს, რაზედაც კასპაროვმა უპასუხა:

„რატომ უყვებიან უკრაინას თუ როგორ უნდა მოიქცეს, ადამიანები, რომლებიც „სილიკონის მდელოზე“ თავის ვილებში კომფორტში იმყოფებიან? ეს მორალური იდიოტიზმი და გეოპოლიტიკური სიბრმავეა“, – დაწერა კასპაროვმა.

ამის შემდეგ ილონ მასკმა განაცხადა, რომ „კასპაროვი ჭადრაკს დაახლოებით ისევე თამაშობს, როგორც მისი აიფონი, დანარჩენში კი ის იდიოტია“.

„მე არც სახლი მაქვს და არც, მით უმეტეს, ვილა, შე ბრიყვო“, – უთხრა მასკმა კასპაროვს.

ცნობისთვის, ოქტომბრის დასაწყისში მსოფლიოს უმდიდრესმა ადამიანმა ილონ მასკმა განაცხადა იმ პირობების შესახებ, რაც უკრაინაში მშვიდობის უზრუნველსაყოფად არის საჭირო. მისი აზრით, რუსეთის მიერ ანექსირებულ ტერიტორიებზე ახალი რეფერენდუმების ჩატარებაა აუცილებელი, რომელსაც გაერო გააკონტროლებს, ხოლო უკრაინამ ყირიმი ყოველგვარი რეფერენდუმის გარეშე რუსეთის ტერიტორიად უნდა აღიაროს და საკუთარი ნეიტრალური სტატუსი დააფიქსიროს. წინააღმდეგ შემთხვევაში, მასკის აზრით, ძალზე მაღალია გლობალური ბირთვული ომის საფრთხე.

გარი კასპაროვი – საბჭოთა და რუსეთის მოჭადრაკეა, მსოფლიოს მე-13 ჩემპიონი. 2005 წლიდან მან პოლიტიკური მოღვაწეობა დაიწყო. კასპაროვმა შექმნა პუტინისადმი ოპოზიციური „ერთიანი სამოქალაქო ფრონტი“ და „სოლიდარობა“. 2013 წელს არაერთი მუქარის და თავდასხმის შემდეგ კასპაროვი რუსეთიდან წავიდა. ამჟამად ის აშშ-ში ცხოვრობს.