იქნება თუ არა ხვიჩა “კალიარისთან” სასტარტოში? – რა გადაწყვეტილება მიიღო კალცონამ კვარაცხელიას შესახებ

დღეს, სერია A-ს 25-ე ტურში “ნაპოლი” სტუმრად “კალიარის” შეხვდება. ნეაპოლური გუნდი გუშინ გაემგზავრა სარდინიაზე. დისკვალიფიკაციის გამო ვერ ითამაშებს კაპიტანი ჯოვანი დი ლორენცო, მაგრამ ის “პარტენოპეის” გაჰყვა. ნეაპოლური მედიის ცნობით, კლუბის პრეზიდენტ აურელიო დე ლაურენტისის გადაწყვეტილებით, პიოტრ ზილენსკი განაცხადში დააბრუნეს. ვიქტორ ოსიმენი გამოჯანმრთელდა და საასპარეზოდ მზადაა. ნეაპოლში მხოლოდ სირილ ნგონჟი დარჩა.

ქართველ გულშემატკივარს პირველ რიგში ხვიჩა კვარაცხელიას საკითხი აინტერესებს, რომელმაც “ბარსელონასთან” მატჩისას შეცვლის გამო მწვრთნელის, ფრანჩესკო კალცონას მიმართ უკმაყოფილება ვერ დამალა, რასაც დიდი აჟიოტაჟი მოჰყვა. Il Mattino წერდა, რომ ქართველი შეიძლებოდა დაეჯარიმებინათ და “კალიარისთან” სათადარიგო ყოფილიყო. თუმცა, Sky Sport და calcionapoli24 ირწმუნებიან, რომ კვარაცხელია სასტარტოში იქნება და “ნაპოლი” შეხვედრას შემდეგი შემადგენლობით დაიწყებს:

მერეტი, მაცოკი, რაჰმანი, ჟუან ჟეზუსი, ოლივეირა, ანგისა, ლობოტკა, ტრაორე, კვარაცხელია, პოლიტანო, ოსიმენი.

kvirispalitra.ge