იუსტიციის სახლი სერვისებზე ხემისაწვდომობის ზრდას განაგრძობს

საქართველოს ყველა რეგიონში, ქალაქსა თუ სოფელში იუსტიციის სახლის ფილიალების რიცხვი 117-მდე გაიზარდა. ცვლილების შედეგად, 89 საზოგადოებრივი ცენტრი ოპერირებას იუსტიციის სახლის ბრენდის ქვეშ აგრძელებს. ცვლილების ფარგლებში, მოქალაქეებისთვის განკუთვნილი სერვისები ყველა ლოკაციაზე გაორმაგდა. კერძოდ, ყოფილ საზოგადოებრივ ცენტრებში იუსტიციის სახლში არსებული ყველა სერვისი დაინერგა და განახლდა ინფრასტრუქტურა. იმ სოფლებისა და ქალაქების მოსახლეობას, თუ სტუმრებს, სადაც საზოგადოებრივი ცენტრები ფუნქციონირებდა, უკვე აქვს შესაძლებლობა თითქმის გაორმაგებული რაოდენობის სახელმწიფო სერვისები, იუსტიციის სახლის ჩვეული მაღალი სტანდარტით მიიღოს. 2023 წლიდან იუსტიციის სახლის ფილიალების რიცხვი, საქართველოს მასშტაბით 117 შეადგენს, ხოლო სერვისების რაოდენობა 470-ზე მეტს.