საქართველოს იუსტიციის სამინისტროს თანამშრომლები სოციალური დაცვის დამატებითი ღონისძიებებით ისარგებლებენ. შესაბამისი ბრძანება საკანონმდებლო მაცნეზე უკვე გამოქვეყნდა.
თანამშრომელთა სოციალური დაცვის დამატებითი ღონისძიებების განხორციელების წესი კი, შემდეგია:
- საქართველოს იუსტიციის სამინისტროს სისტემის თანამშრომელთა (სახელმწიფო-პოლიტიკური თანამდებობის პირი, სახელმწიფო მოსამსახურე, საჯარო მოსამსახურე, საჯარო სამართლის იურიდიული პირის საშტატო განრიგით გათვალისწინებულ პოზიციაზე და შრომითი ხელშეკრულებით დასაქმებული პირები (შემდგომ – თანამშრომელი)) სოციალური დაცვის დამატებითი ღონისძიებების განხორციელების წესის მიზანია თანამშრომლის მძიმე ავადმყოფობისას მისი ფინანსური დახმარება.
- თანამშრომლის მძიმე ავადმყოფობისას მასზე ფინანსური დახმარება გაიცემა, თუ მკურნალობა არ ფინანსდება/ნაწილობრივ ფინანსდება სახელმწიფო/მუნიციპალური პროგრამებისა და კერძო სადაზღვევო სისტემის ფარგლებში. კალენდარული წლის განმავლობაში ერთი თანამშრომლის მიმართ გასაწევი ფინანსური დახმარების ოდენობა ჯამში არ უნდა აღემატებოდეს 25 000 ლარს.
- უხლის შესაბამისად ფინანსური დახმარების მოთხოვნისას თანამშრომელმა უნდა წარადგინოს სამედიცინო დოკუმენტაცია, რომელშიც ასახული იქნება პირის ჯანმრთელობის მდგომარეობა, დანიშნული მკურნალობა/მედიკამენტები და ამის შესაბამისი ფინანსური გაანგარიშება, აგრეთვე დოკუმენტი სახელმწიფო/მუნიციპალური პროგრამით დაფინანსებული ნაწილის/დაფინანსებაზე უარის ან/და კერძო სადაზღვევო სისტემის ფარგლებში დაფინანსებული ნაწილის/დაფინანსებაზე უარის თქმის შესახებ.
წესის შესაბამისად მიღებული დაფინანსების ფარგლებში მკურნალობის დასრულების შემდეგ, 3 თვის ვადაში, თანამშრომელი ვალდებულია სამინისტროს სისტემის თანამშრომელთა ფინანსური დახმარების საკითხთა შემსწავლელ კომისიას წარუდგინოს ფულადი სახსრების ხარჯვის დამადასტურებელი დოკუმენტაციის ასლები (საგადახდო დავალება ან/და სალაროს ჩეკი). წინააღმდეგ შემთხვევაში, თანამშრომელი ვალდებულია მკურნალობის დასრულების შემდეგ სრულად დააბრუნოს მკურნალობის დასაფინანსებლად მისთვის გადაცემული თანხა.
ამ წესის შესაბამისად სამინისტროს ცენტრალური აპარატის თანამშრომლის ფინანსური დახმარებისთვის საჭირო თანხა გამოიყოფა სამინისტროს ბიუჯეტის სოციალური უზრუნველყოფის მუხლიდან, ხოლო სამინისტროს მმართველობის სფეროში მოქმედი საჯარო სამართლის იურიდიული პირის/სამინისტროს სისტემაში შემავალი სახელმწიფო საქვეუწყებო დაწესებულების თანამშრომლის ფინანსური დახმარებისთვის საჭირო თანხა – შესაბამისი საჯარო სამართლის იურიდიული პირის/სახელმწიფო საქვეუწყებო დაწესებულების ბიუჯეტის სოციალური უზრუნველყოფის მუხლიდან.
ცნობისთვის, 2024 წლის ბიუჯეტის პროექტის მიხედვით, იუსტიციის სამინისტროსთვის გათვალისწინებულია 400 მლნ ლარი; ზრდა 7,6 მლნ ლარია.
Loading ...