საქარველოს იუსტიციის მინისტრის, რატი ბრეგაძის თქმით, მომავალი წლიდან, თუ პარლამენტი მიიღებს “პატიმრობის კოდექს” მნიშვნელოვნად გაუმჯობესდება პატიმრების უფლებები. ამის შესახებ მან პარლამენტში “მინისტრის ფარგლებში” სიტყვით გამოსვლის დროს ისაუბრა.
“ყველა სახის პაემანი გახდება სრულიად უფასო და ეს იქნება ძალიან დიდი საქმე თითოეული მსჯავრდებულებისთვის, რომელიც სასჯელს იხდის. დღეს პატიმარს უწევს 60 ლარის გადახდა, რომ ოჯახთან და კანონით განსაზღვრულ პირებთან ჰქონდეს ხანგრძლივი პაემნის უფლება.
გარდა საშიშროების მაღალი რისკის მსჯავრდებულებისა, ყველას ექნება უმაღლესი განათლების მიღების უფლება, იზრდება სატელეფონო საუბრების რაოდენობა და ხანგრძლივობა”, – თქვა მან.
იუსტიციის მინისტრის თქმით, გაუმჯობესდება ბრალდებულთა და მსჯავრდებულთა უფლებები საცხოვრებელ პირობებთან დაკავშირებითაც. თუკი აქამდე თითოეული ბრალდებულისთვის უნდა ყოფილიყო გამოყოფილი მინიმუმ 3 კვადრატული მეტრი, ხოლო მსჯავრდებულებისთვის – 2 კვადრატული მეტრი, ახლა საუბარია გამოყოფილი სივრცის 4 კვადრატამდე გაზრდაზე.
როგორც რადიო თავისუფლებამ იუსტიციის სამინისტროში გაარკვია, პატიმრობის შესახებ ახალი კოდექსი მთავრობამ უკვე მოიწონა და ის დასამტკიცებლად პარლამენტს გადაუგზავნა. კანონპროექტის მიღება 2023 წლის 1 იანვრამდეა გათვლილი.
Loading ...