გაერთიანებული ერების განათლების, მეცნიერებისა და კულტურის ორგანიზაციამ (UNESCO) კერძი ბორშჩი გამოაცხადა უკრაინის ეროვნულ მემკვიდრეობად, რომელსაც დაცვა სჭირდება.
მიმდინარე ომის ფონზე, უკრაინამ იუნესკოს სთხოვა, რომ დაეჩქარებინათ ბორშჩის დაცვის აუცილებლობის განხილვა.
ბორშჩის უკრაინის კულტურულ მემკვიდრეობად გამოცხადების წინააღმდეგი რუსეთი იყო.
იუნესკოს გადაწყვეტილებას გამოეხმაურა უკრაინის კულტურის მინისტრი, ოლეკსანდრ ტკაჩენკო.
“ბორშჩის ომში გამარჯვება ჩვენია!”. – დაწერა მან საკუთარ ტელეგრამ-არხზე.
“გახსოვდეთ და გჯეროდეთ, რომ, როგორც ბორშჩის ომში, ისე ამ ომშიც გავიმარჯვებთ”. – აღნიშნა ტკაჩენკომ.
გასულ თვეებში რუსეთის საგარეო საქმეთა სამინისტროს სპიკერმა, მარია ზახაროვამ უკრაინელების სურვილს, ბორშჩი კულტურულ მემკვიდრეობად გამოცხადებულიყო, “ქსენოფობიის, ნაციზმისა და ექსტრემიზმის გამოვლინება” უწოდა.
Loading ...
