იტალიაში ბოლო 100 წლის განმავლობაში ყველაზე საშინელი წყალდიდობის შედეგად დაღუპულთა რიცხვი 13-მდე გაიზარდა. ხანდაზმული და შეზღუდული შესაძლებლობის მქონე პირები სახლებში ჩარჩნენ, როდესაც მაშველები ებრძვიან მძიმე პირობებს ემილია-რომანიას რეგიონში
სტიქიის ყველაზე მძიმე შედეგებს ებრძვიან ემილია-რომანიას რეგიონში. წვიმების შედეგად ადიდებულია 23 მდინარე, დაფიქსირდა 280 მეწყერი, რომელმაც 41 დასახლება მოიცვა.
ბოლო მონაცემებით რეგიონში წყალდიდობის გამო, დაახლოებით 20 000 ადამიანი უსახლკაროდ დარჩა.
წყალდიდობამ გაანადგურა სახლები და მაღაზიები და წყალქვეშ დატოვა 5000-ზე მეტი ფერმა. 
ასევე მძიმედ დაზარალდა ქალაქი რავენა. “ეს ალბათ ყველაზე ცუდი ღამე იყო რომანიას ისტორიაში” – განუცხადა რავენას მერმა RAI-ს საზოგადოებრივ რადიოს და თქვა, რომ მხოლოდ მისი ქალაქიდან ღამით 5 000 ადამიანი იქნა ევაკუირებული.
Loading ...