იტალიაში მარტოხელა პენსიონერმა შობის ღამეს პოლიციაში დარეკა და სტუმრად მიიპატიჟა

გულისამაჩუყებელი საშობაო ისტორია იტალიაში. 25 დეკემბრის ღამეს ბოლონიის მახლობლად მცხოვრებმა, 94 წლის პენსიონერმა ალტო რენომ  პოლიცია გამოიძახა.

“მე კარგად ვარ. მაგრამ მარტო ვარ და არავინაა ვისთან ერთადაც შემიძლია დავლიო შობის დღესასწაულის აღსანიშნავად,”  – შესჩივლა მან. – იქნებ რომელიმე თქვენს თანამშრომელს  შეუძლია ათი წუთით ჩემს სახლში მოსვლა?” 

მათ გადაწყვიტეს გაეხარებინათ მოხუცი პენსიონერი და მალე ორი პოლიციელი უკვე მის სახლში იმყოფებოდა. პენსიონერმა მათ მეორე მსოფლიო ომის შესახებ მოგონებები გაუზიარა, შემდეგ კი ყველამ ერთად ვიდეოზარით დაურეკეს ნათესავებს. შობის სადღეგრძელო პენსიონერთან ერთად პოლიციელებმაც დალიეს, თუმცა როგორც ფოტოდან ჩანს მათ უალკოჰოლო სასმელით აღნიშნეს შობა, რადგან ჯერ კიდევ სამსახურებრივ მოვალეობას ასრულებდნენ.

www.dw.com