იტალიაში, დედაზე ძალადობის ბრალდებით 34 წლის ქართველი კაცი დააკავეს.
მომხდარის შესახებ ადგილობრივი მედია წერს.
მათივე ცნობით, ქართველი ნარკოდამოკიდებულია და მას დედასთან მიახლოება აკრძალული ჰქონდა.
ადგილობრივი მედია Reggio Report-ის ინფორმაციით, ახალგაზრდა კაცი რომში, რკინიგზის სადგურის ტერიტორიაზე, აგრესიულ მდგომარეობაში მყოფი, დედას არასათანადოდ ექცეოდა, რა დროსაც მათთან პოლიცია მივიდა. მან სამართალდამცველებს წინააღმდეგობა გაუწია, რის შემდეგაც დააკავეს.
როგორც მედია სამართალდამცველებზე დაყრდნობით წერს, 34 წლის ქართველი კაცი დედისგან ფულს ნარკოტიკის შესაძენად ითხოვდა. დაკავებული სასამართლო პროცესის გამართვამდე იზოლატორში გადაიყვანეს.
დაკავებულ ქართველს ბრალი წარუდგინეს ოჯახის წევრისადმი ძალადობის, სასამართლოს აკრძალვის დარღვევისა და პოლიციელებისადმი წინააღმდეგობის გაწევის გამო.
კომენტარები
Loading ...